لە سنووری وەرتێ
ئۆتۆمبێلێک لە بەرزی 100 مەترەوە کەوتە خوارەوە؛ شۆفێرەکەی گیانی لەدەستدا
964+
ئاکام غەفور – سۆران
لە کوێستانی مەکێی سنوری وەرتێ، ئۆتۆمبێلێک لە بەرزی 100 مەتر و لە پێچەکانی رێگاکە کەوتە خوارەوە و بەهۆیەوە شۆفێرەکەی گیانی لەدەستدا.
واحید موشیر شایەتحاڵ و بەسەر رووداوەکە کەوتووە، ئەو بە 964ـی وت، “ئۆتۆمبێلەکە لە جۆری تۆیۆتا کرۆلایە و لەگەڵ کەوتنەخوارەوەی و وەرگەڕانی، شۆفێرەکەی لێ دەرچووبوو، کە هەڵمانگرتەوە برینێکی گەورە لە سەری هەبوو، بەڵام گیانی لەدەستنەدابوو”.
وتیشی، ئۆتۆمبێلەکە تەنیا شۆفێرەکەی تێدابوو کە خەڵکی وەرتێ بوو و کەسی دیکەی لەگەڵ نەبوو.
سەرچاوەیەک لە نەخۆشخانەی ئاشتی بە 964ـی وت، “ئەو کەسەی لە رووداوەکەی وەرتێ بریندار ببوو، دوای گەیشتنی بە نەخۆشخانە، بەهۆی سەختی برینەکەی گیانی لەدەستدا”.
پێداچوونەوە؛ شۆڕش قادری
سۆران.. لە ١١ مانگدا ٢٣٩ رووداوی هاتوچۆ روویانداوە ١٣ کەس بووەتە قوربانی
