باوکی سێ منداڵ کارەبا گرتی و گیانی لەدەست دا

کاروان ساڵحی – کەرکوک

کارپێکەری یەکێک لە مۆلیدەکانی گەڕەکی شۆراوی کەرکوک بەناوی شاهۆ بورهان کە باوکی سێ منداڵە، کارەبا گرتی و گیانی لەدەست دا.

ئەحمەد عەدنان هاوڕێی شاهۆیە و قسەی بۆ 964 کردووە، ئەو دەڵێت، “بەداخەوە درەنگانی شەوی رابردوو و لە کاتی گۆڕینی کارەبای مۆلیدە بۆ نیشتمانی، شاهۆ کارەبا گرتی و دەستبەجێ گیانی سپارد”.

وتیشی، شاهۆ تەمەنی 33 ساڵ و باوکی سێ منداڵ بوو، چەند ساڵێک بوو کاری کارپێکردنی مۆلیدەی دەکرد.

شەوی رابردوو تەرمی ئەو گەنجە براوەتە نەخۆشخانەی ئازادیی کەرکوک، دوای پشکنین تەرمەکەی رەوانەی پزیشکی دادی کرا و بەیانی ئەمڕۆش تەرمەکەی رادەستی کەسوکاری کرایەوە.

پێداچوونەوە؛ شۆڕش قادری