964 ئەوە ناکات
سەندیکا هاتەدەنگ؛ قەرەباڵغى مایکەکان کێشە بۆ وەرگر دروست دەکات
وریا فەتاح
دیاردەیەک هەیە کە بەلاى خەڵکەوە بێزارکەرە، ئەویش بوونى لێشاوێک مایکە لە کۆنگرە رۆژنامەوانییەکاندا، تەنانەت واى لێهاتووە زۆر جار دەمووچاوى ئەو کەسەى قسە دەکات دیارنییە و مایکەکان دایانپۆشیوە، بەڵام 964 لە بنەڕەتەوە لەگەڵ ئەوە نییە و لە هیچ کۆنگرەیەک مایک راناگرێت.
ئەم دیاردەیە، لقى سلێمانی سەندیکای رۆژنامەنووسانی هێناوەتە دەنگ و لە پۆستێکدا رایگەیاندووە کە دیمەنی کۆنفرانسە رۆژنامەوانییەکان لە سلێمانی گەیشتووەتە قۆناغێک کە پێویستی بە چارەسەری بەپەلە هەیە.
دەشڵێت: روماڵکردنی کۆنفرانسەکان لە سلێمانی، گەیشتووەتە قۆناغێک دەبێت ئیتر یان پەنا بەرینە بەر گواستنەوە بە فریکوێنسی، یان کەناڵەکان دەستبەرداری دانانی مایک و لۆگۆ ببن.
964 وەک تۆڕێکى بەرفراوانى هەواڵى بۆ ئەوەى بەشێک نەبێت لەم دیاردەیە، لە هیچ کۆنگرەیەکی رۆژنامەوانیدا مایک و لۆگۆی خۆی دانانێت، ئەمەش وەک پابەندبوونێک بە گەیاندنی ناوەڕۆکی پوخت و دوورکەوتنەوە لە نمایشکردن.