قوباد تاڵەبانی، جێگری سەرۆکی حکومەتی ھەرێمی کوردستان. وێنە/حکومەتی هەرێمی کوردستان
"بەئومێدێکى قوڵەوە بۆ ئاشتى و دیموکراسى بەردەوام دەبین"
قوباد تاڵەبانى: ئەمڕۆ لە سلێمانى مێژوو تۆمارکرا
964+
وریا فەتاح
لەبارەى دانانى چەک لەلایەن ژمارەیەک گەریلاى پەکەکەوە، قوباد تاڵەبانى لە پەیامێکدا رایگەیاند: ئەمڕۆ لە سلێمانى مێژوو تۆمارکرا.
لە پەیامەکەى تاڵەبانیدا هاتووە،”ئەمڕۆ لە سلێمانی مێژوو تۆمار کرا، پەکەکە لە پێگەیەکی بەهێزەوە وەک بەشێک لە دەستپێشخەرییەکی گەورە بۆ ئاشتی، چەکەکانیان لەناوبرد”.
” سلێمانی وەک شارێک کە بە دروستکردنی پرد و چارەسەرکردنی ناکۆکی لەڕێی دیالۆگەوە ناسراوە، ئەمڕۆ ئەم رۆڵەی خۆی زیاتر بەرجەستە کرد”، قوباد تاڵەبانى وا دەڵێت.
دەشڵێت: بە ئومێدێکی قووڵەوە بۆ ئاشتی و دیموکراسی بەردەوام دەبین لە پشتیوانیکردنی ئەم پرۆسەیە.
ئەوەش لە کاتێکدایە، ئەمڕۆ هەینى 11ـى تەموزى 2025، لە ئەشکەوتى جاسەنەى سنوورى سلێمانى، ژمارەیەک گەریلاى پەکەکە چەکەکانیان سووتاند.
