هاوڵاتیان دڵخۆش بە راگەیاندنی ئاگربەست
“شەڕی ئێران و ئیسرائیل بەردەوام بووایە پڕیشکی بەر ئێمەش دەکەوت”
964+
ئەحمەد محەمەد – سلێمانی
عەبدولعەزیز خالند – هەولێر
هاوڵاتیانی هەرێمی کوردستان دڵخۆش بە ئاگربەستی نێوان ئێران و ئیسرائیل و دەڵێن، شەڕ لە قازانجی هیچ کەس و لایەنێک نییە و ئەگەر بەردەوام بووایە، پڕیشکی بەر ئێمەش دەکەوت.
ترەمپ: ئیسرائیل و ئێران رێککەوتن شەڕ رابگرن
دوای ئەوەی شەوی رابردوو دۆناڵد ترەمپ سەرۆکی ئەمریکا ئاگربەستی لە نێوان ئێران و ئیسرائیل راگەیاند، ئەمڕۆ پەیامنێرانی 964 لە شارەکانی هەولێر و سلێمانی رای چەند هاوڵاتییەکیان لەسەر ئەو ئاگربەستە وەرگرت، هەموویان ئەوەیان وت کە، بە هەواڵەکە دڵخۆش بوون و هەر بەبیستنی، سوپاسی خودایان کردووە کە ناوچەکە لەو شەڕە رزگاری بووە.
ئاماژەیان بەوەشکرد، هەموو کات شەڕ مایەی ماڵوێرانی بووە و ئەمجارەش بەتایبەتی کە کوردستان هاوسنوورە لەگەڵ ئێران، ئەگەر بەردەوام بووایە، بێ گومان پڕیشکی شەڕ ئێمەشی دەگرتەوە.
دوای 12 رۆژ لە هێرشی موشەکی و ئاسمانی لەنێوان ئیسرائیل و ئێران ، شەوی رابردوو دۆناڵد ترەمپ، سەرۆکی ویلایەتە یەکگرتووەکانی ئەمریکا، لە پەیامێکدا رایگەیاند کە ئیسرائیل و ئێران گەیشتوونەتە رێککەوتنێکی تەواو بۆ ئاگربەست و کۆتاییهێنان بە شەڕێک کە ناوی ناوە “جەنگی 12 رۆژە، بەیانی ئەمڕۆش رادیۆ و تەلەفزیۆنی فەرمی ئێران، پشتڕاستی کردەوە کە ئاگربەستەکە چووەتە بواری جێبەجێكردنەوە.
پێداچوونەوە: شۆڕش قادری
بە نێوەندگیریی ئەمریکا؛ ئیسرائیل بە ئاگربەست لەگەڵ ئێران رازی بوو
