"هاوبەشی باشتر لەگەڵ وڵاتانی عهرهبی"
وڵاتی چین چوار پێشنیار بۆ چارهسهری ئاشتیانه دهخاتهڕوو
964+
فەرهاد حەسەن
شی جینپینگ سهرۆك كۆماری چین ئهمڕۆ سێشهممه، چوار پێشنیاری بۆ پاراستنی ئاشتی له رۆژههڵاتی ناوهڕاست خستوهتهڕوو، یهكێك له پێشنیازهكان رێزگرتنه له سهروهری و ههماههنگیی گهشهپێدان و ئاسایشی وڵاتانی ناوچهكه.
تهلهفزیۆنی ناوهندی چین بڵاویکردەوە، شی جینپینگ چوار پێشنیازی خستەڕوو بۆ پاراستن و بهرهوپێشبردنی ئاشتی و سهقامگیری له رۆژههڵاتی ناوهڕاستدا.
پێشنیازهكان بریتین، له پابهندبوون به پرهنسیپی پێكهوەژیانی ئاشتیانه و رێزگرتن له سهروهری وڵاتانی ناوچهكه، پاراستنی سهروهری یاسا نێودهوڵهتییهكان، ههماههنگی ئاسایش و گهشهپێدان.
داواشی کردووە، هاوبهشییهكی بههێزتر و باشتر له نێوان چین و وڵاتانی عهرهبیدا هەبێت، له ژێر رۆشنایی ئهو گۆڕانكارییانەی جیهان بهخۆیهوه دهیبینێت.
پێشتر، وهزارهتی دهرهوهی چین رایگهیاندبوو، وڵاتەکەی به شێوهیهكی ئهرێنی ههڵسهنگاندن بۆ ئاگربهستی نێوان ئهمریكا و ئێران دهكات.
