نزیکەی 270 هەزار کەس ویستویانە بە رێگەی نایاسایی حەج بکەن

ژووری هەواڵ

لە وەرزی حەجی ئەمساڵدا، تاوەکو ئێستا نزیکەی 270 هەزار کەس ویستویانە بە نایاسایی بچنە مەککە و حەج بکەن، بەڵام بەرپرسانی سعودیە دەڵێن، رێگریان لێکراوە.

بەگوێرەی ئامارێکی فەرمی وڵاتی سعودیە کە رۆژی یەکشەممە 1.6.2025 بڵاوکراوەتەوە، رێگری لە 269 هەزار و 678 کەس کراوە کە ویستویان بە نایاسایی بچن حەج بکەن.

هەر کەسێک بە نایاسایی بیەوێت حەج بکات بە دیپۆرتکردنەوە و پێبژاردنی پێنج هەزار دۆلار سزا دەدرێت.

تاوەکو ئێستا 23 هەزار هاووڵاتی سعودیە بە هۆکاری پێشێلکردنی یاساکانی حەج سزاداون و مۆڵەتی 400 کۆمپانیاشیان بە هەمان هۆکارەوە بۆ بردنی حاجییان هەڵوەشێندراوەتەوە.

ئامارە فەرمییەکان دەریدەخەن، تاوەکو ئێستا ملیۆنێک و 400 هەزار کەس بۆ بەجێگەیاندنی حەج چوونەتە مەککە و پێشبینی چوونی ژمارەیەکی زیاتر دەکەن.