بەرزەپردەکانی دەروازەی سۆران بەمنزیکانە بەڕووی شۆفێراندا دەکرێنەوە - وێنە؛ حکومەتی هەرێم
لە قۆناغی هێڵکاریدان
بەرزەپردەکانی دەروازەی سۆران بەمنزیکانە بەڕووی شۆفێراندا دەکرێنەوە
964+
شۆڕش قادری
پڕۆژەی رێگا و بەرزەپردەکانی دەروازەی سۆران کە بەشێوەیەکی مۆدێرن و جوان دروستکراون، گەیشتە قۆناغی هێڵکاری و بەمزووانە بەڕووی شۆفێراندا دەکرێتەوە.
هەژار حەکیم بەڕێوەبەری راگەیاندن و پەیوەندییەکانی ئیدارەی سەربەخۆی سۆران بە 964ـی وت، “کارکردن لە پڕۆژەی نۆژەنکردنەوەی رێگا و دروستکردنی دوو بەرزەپرد لە دەروازەی سۆران گەیشتووەتە قۆناغی کۆتایی و هێڵکاری تێدادەکرێت”.
“بەرزەپردی یەکەم 154 مەتر درێژە، بەرزییەکەی 15 مەترە و 11 مەتر پانە، پردی دووەمیش 57 مەتر درێژە، بەبەرزی هەشت مەتر و پانی 11 مەتر”، هەژار حەکیم وای وت.
باسی لەوەشکرد، بەردی بناغەی ئەو پڕۆژەیە لە 13.2.2024 دانراوە و بڕیاربوو لە ماوەی 900 رۆژدا تەواو بکرێت، لەئێستاشدا تەنیا چەند بابەتێکی وەک رووناکی و دانانی هێماکانی هاتوچۆ لەسەر شەقامەکە ماون، ئەوان تەواو ببن، رێگاکە بەڕووی شۆفێراندا دەکرێتەوە.
پرده ئاسنینه‌كانى سنوورى سۆران تووند ده‌كرێنه‌وه
