بەنزینی تێکرد و سوتا

دەشتی عارف ـ هەولێر

ئۆتۆمبێلێک لەسەر شەقامی کەسنەزان هەولێر ئاگری گرت و بەتەواوی سوتا، هەر لەسەر شەقام هاولاتیان کۆمەکیان بۆ کۆکردەوە.

لافاو جافل، خاوەنی ئۆتۆمبێلەکەیە، باسی ساتی سوتانی ئۆتۆمبێلوکەی بۆ کردین و وتی، ” لە بەنزینخانە بەنزینم تێکرد و کەمێک رۆیشتم و لەپڕ ئاگر لە بەشی دواوەی  ئۆتۆمبێلەکە هەڵسا، من تەنیا ئەوندەم پێکرا خۆم لە ئۆتۆمبێلەکە هەڵدەمە خوارەوە”.

شۆفێرانی رێگاکە هەر زوو قۆڵیان لێ هەڵماڵی و دەستیان بە کۆکردنەوەی کۆمەک کرد لەسەر شەقامەکە بۆ خاوەنی ئۆتۆمبێلەکە.