محەمەد سەمعان، پارێزگارى کەرکوک
پارێزگارى کەرکوک بۆ فەرمانگەى تەندروستى:
راپۆرتێکى بەپەلەم بدەنێ لەبارەى رشانەوە و سکچوونى هاوڵاتیان
964+
وریا فەتاح
ژمارەیەکى زۆر حاڵەتى سکچوون و رشانەوەى هاوڵاتیان لە ناحیەى ریاز لە سنوورى پارێزگاى کەرکوک تۆمارکراوە، پارێزگارى کەرکوکیش داواى راپۆرتى بەپەلە لە تەندروستى شارەکە دەکات بۆ ئەوەى بزانێت چى روودەدات.
پارێزگاى کەرکوک بڵاوى کردەوە، فەرمانگەى تەندروستى و ئاو و سەرچاوەکانى ئاو، لەلایەن محەمەد سەمعان ئاغاى پارێزگارەوە راسپێردراون بە ئامادەکردنى راپۆرتێکى بەپەلە، سەبارەت بە تۆمارکردنی دەیان حاڵەتی رشانەوە و سکچوون لە ناحیەی ڕیاز.
داواشکراوە کە بەدواداچوونى مەیدانى بۆ حاڵەتە تۆمارکراوەکان بکەن و هەموو جۆرە چاودێرى و چارەسەرێکى پێویست پێشکەش بکەن.