زاخۆ
ئۆتۆمبێلێکى پاسەوانانى سنوور وەرگەڕا؛ گیانلەدەستدا و بریندار هەیە
964+
شڤان عەبدوڵا – زاخۆ
لە سنوورى زاخۆ، ئۆتۆمبێلێکى پاسەوانانى سنوور وەرگەڕا و بەهۆیەوە پاسەوانێکى سنوور گیانى لەدەستدا و سیانى دیکەش بریندارن.
رووداوەکە کاتژمێر 1:30 خولەکى دوانیوەڕۆ، لە سنوورى ناحیەى دەرکار کە دەکەوێتە ئیدارەى زاخۆ، بە دیاریکراوى لە گوندى دەشتەتەخ لەسەر سنوورى تورکیا و هەرێم روویداوە.
ئەمیر عەلی، وتەبێژی تەندروستی زاخۆ بە 964ـى وت،”بریندارەکان گەیەنراونەتە فریاکەوتنى زاخۆ و چارەسەرى پێویستیان بۆ دەکرێت و تەرمى ئەو کەسەشى گیانى لەدەستداوە، رەوانەى پزیشکى دادى کراوە و توێکارى بۆ دەکرێت”.
پێداچوونەوە: وریا فەتاح
