ئەو تیممارتەی لەلایەن لیژنەی قایمقامیەتی رانیە سزادراوە - فۆتۆ سۆشیال میدیای قایمقامیەتی رانیە
رانیە... ژمارەیەک مارکێت لەسەر گرانفرۆشتنی کاڵا سزادران
زنجیرە مارکێتی Teammart سزادرا
+964
فه‌رهاد حه‌سه‌ن
لەسەر گرانفرۆشتنی کاڵاکانیان ژمارەیەک مارکێت و فرۆشگا لە رانیە سزادران، یەکێک لەو مارکێتانەی سزادراوە زنجیرە مارکێتی Teammartـە.
تیمەکانی لیژنە هاوبەشەکانی قایمقامیەتی قەزای رانیە، لەسەر گرانفرۆشتنی کاڵا ژمارەیەک مارکێت و فرۆشگا دادەخەن، لەوانە مارکێتی فامیلی، مارکێتی OK و Teammart 2.
كارزان سلێمان، سه‌رۆكى لیژنە ھاوبەشەكانى قائیمقامیەتى قەزاى رانیە بە تۆڕى964 وت، ماوه‌یه‌كه هه‌ندێ فرۆشگاى سنووره‌كه‌مان ده‌رفه‌تى گرانبوونى نرخی دۆلاریان قۆستۆته‌وه و نرخی كاڵاكانیان گران كردووه.
“زۆربه‌ى كات شه‌وان سه‌ردانى ئه‌و شوێنانه ده‌كه‌ین به‌سه‌ریان ده‌كه‌ینه‌وه”. سەرۆکی لیژنەی هاوبەشەکانی قایمقامیەتی رانیە وای وت، ئەوەشی خستەڕوو له‌دوو رۆژی رابردوودا ژماره‌یه‌ك فرۆشگایان سزاداوە، جگە لەمە هەر به‌هۆی گرانفرۆشییه‌وه پێشانگای زانا بۆ بەکرێدانی کورسی و مێز و تەپڵەک و قەنەفە داخرا، دوای ئەوەی بۆ جاری دووەم ئاگادار كرایەوه و پێچەوانەی رێنمای کاڵاکانی بە گران فرۆشتووە.
تیممارت – Teammart زنجیره ماركێتێكه له‌سه‌رانسه‌ری کوردستان و عێراق بوونی هەیە و وەك خۆى بانگه‌شه بۆ خۆی دەکات كێبڕكێی هه‌رزانترین نرخ كاڵاكانى بۆ هاوڵاتیان ده‌كات، به‌ڵام له رانیه نرخی زیاد كردووه و سزادراوه.
