“داوای دوورخستنەوەی سەمیر بابۆ دەكەن”

964+

دەشتی عارف

بەشێك لە هاندەرانی یانەی هەولێر داوای دوورخستنەوەی راهێنەری یانەكە سەمیر بابۆ دەكەن، ئەوان راهێنەرەكە بە هۆكاری شكستەكانی تیپەكەی دەزانن.

دوای یارییەكەی ئەم ئێوارەیەی یانەی هەولێر، كە تێیدا لە یاریگەی خۆی بە یانەی قاسم دۆڕا بە 0-1 گۆڵ، بەشێك لە هاندەرانی یانەی هەولێر بۆ مایكی 964 قسەیان كرد و هەموویان داوای دوورخستنەوەی راهێنەر سەمیر بابۆ دەكەن، چونكە پێیان وایە ناتوانێت ئیدارەی تیپەكە بكات و هۆكاری ئەنجامە خراپەكانی تیپەكەیە.

هەروەها پێیان وایە سەمیر بابۆ هەڵەی زۆرە و نەیتوانیوە سوود لە یاریزانەكانی وەربگرێت.

پێداچوونەوە: ئەرسەلان عەبدوڵا