بارکۆدێک دانراوە تا پارە بۆ نەخۆشانی شێرپەنجە بنێرن

964+
ئەحمەد مستەفا

نەخۆشخانەی هیوا، بارکۆدێکی لەلای بانکی یەکەمی عێراقی FIB دروست کردووە، دەیەوێ هەرکەس پارەی بۆ دەنێرێ لەو رێگەیەوە و بەئۆنڵاین بیخاتە سەر هەژمارەکەیان.

ئەوە کارئاسانییە تا خەڵک لەهەر کوێ بوون، پارە بگەیەنن پێیان.

نەخۆشخانەی هیوا لە راگەیەندراوێکدا ئەمڕۆ دووشەممە 18.3.2025 دەڵێت، هاوڵاتیان و دانیشتووانی هەرێمی کوردستان ئاگادار دەکەینەوە کە لە ئێستادا دەتوانن کۆمەک و هاوکارییەکانتان لە رێگەی FIB، بنێرن بۆ نەخۆشخانەی هیوا.

نەخۆشخانەکە باسی لەوەکردووە ئەو هەنگاوە هۆکارە، بۆ ئەوەی تۆزێک لە خەم و ئازاری نەخۆشەکانیان کەم بکرێتەوە.

بەپێی داتاکانی بێت، ساڵی رابردوو پێنج هەزار و 866 کەس سەردانى نەخۆشخانەیان کردووە، کە سێ هەزار و 151 کەسیان تووشبووى شێرپەنجە بوون، ژمارەی تووشبووانی ساڵی رابردووش گەیشتووەتە سێ هەزار و 556 کەس.

بارکۆدی هەژماری نەخۆشخانەی هیوا؛

خۆبەخشانی نەخۆشخانەی هیوا لە سلێمانی گردبوونەوە