لە سنووری سلێمانی
بۆ یادی پێنج هەزار شەهیدی هەڵەبجە 50 کەو ئازادکران
964+
شۆڕش قادری
لەژێر دروشمی “هەڵەبجە لەیاد ناکەین” و بۆ یادی پێنج هەزار شەهیدی کیمیاباران، 50 کەو لە سنووری پارێزگای سلێمانی، ئازاد کران.
بەڕێوەبەرایەتی پۆلیسی دارستان و ژینگەی سلێمانی رایگەیاند، ئەمڕۆ یەکشەممە 16.3.2025 لە ساڵیادی کیمیابارانکردنی شاری هەڵەبجە و بەئامادەبوونی بەڕێوەبەری بەڕێوەبەرایەتییەکە و ژمارەیەک لە ئەفسەرانیان، 50 کەو بۆ رۆحی پاکی پێنج هەزار شەهیدی هەڵەبجە ئازاد کراون.
ئاماژە بەوەشکراوە، وەک زۆربەی فەرمانگە و بەڕێوەبەرایەتییەکانی دیکەی کوردستان، کارمەندەکانیان بۆ رێزلێنان لە گیانی پاکی شەهیدانی هەڵەبجە، چەند خولەکێک بەبێ دەنگی وەستاون.
بەڕێوەبەرایەتی پۆلیسی دارستان و ژینگەی سلێمانی راشیگەیاندووە، ئەو 50 کەوە لەلایەن شەریف رەسول سەفرەیی ئامادە کراون و سوپاسی ئەو هاوڵاتییە دەکات.
بۆ یادی کیمیابارانی هەڵەبجە شەقامی کوردستان لە جوڵە کەوت
