37 ساڵ بەسەر کارەساتەکە تێپەڕی
بۆ یادی کیمیابارانی هەڵەبجە شەقامی کوردستان لە جوڵە کەوت
964+
شۆڕش قادری
بۆ یادی کیمیابارانی هەڵەبجە، ساتێک وەستان لە زۆربەی شار و شارۆچکەکانی کوردستان بەڕێوەچوو و شەقام لە جوڵە کەوت.
ئەمڕۆ یەکشەممە 16.3.2025، 37 ساڵ تێدەپەڕێت بەسەر كیمیابارانكردنی شاری هەڵەبجە لە لایەن حكومەتی بەعسی هەڵوەشاوە، وەک هەموو ساڵێک کاتژمێر 11ـی پێشنیوەڕۆ لە زۆربەی شارەکانی کوردستان، هاوڵاتیان و كاربەدەستان و فەرمانبەرانی حكومەت، بۆ رێزگرتن لە قوربانیانی كیمیابارانكردنی هەڵەبجە، ساتێک بە بێدەنگی وەستان و شەقامەکانیش لە جوڵە کەوتن.
چەند رۆژێك پێش نەورۆزی 1988 و لە رۆژى 16ـى ئادار، شارى هەڵەبجە لەلایەن رژێمى پێشووى عێراقەوە کیمیاباران کرا و پێنج هەزار کەس بەهۆیەوە لە چەند چرکەساتێکدا گیانیان لەدەست دا.
بەهۆى کارەساتەکەوە نزیکەى 10 هەزار کەسیش بریندار بوون و بەشێکیان تائێستاش بەرکەوتەى ئەو چەکە قەدەغەکراوەن و ژیان لەگەڵ ئازاردا بەڕێدەکەن، جگە لەوە بە هەزاران کەسى دیکە شارەکەیان جێهێشت و بەرەو ئێران رۆیشتن و ژمارەیەک کەسیش تائێستا بێسەروشوێنن، بە تایبەت ئێستاش لێرە و لەوێ منداڵى ونبووى هەڵەبجە دەدۆزرێتەوە.
هەولێر پێنج هەزار گوڵە پەپوولەی لە یادی هەڵەبجەدا روواند
