نوێژی موسوڵمانان لە مەککە. وێنە: X
خانەوادەکەی رازی بوون
عومرەکارێکی دهۆک گیانی سپارد و لە مەککە بەخاک دەسپێردرێ
964+
ئەحمەد مستەفا
یەکەم عومرەکاری هەرێمی کوردستان، لە مانگی رەمەزان لە شاری مەککە کۆچی دوایی کرد کە خەڵکی پارێزگای دهۆکە و تەمەنی زیاتر لە 70 ساڵە.
ئەمرۆ شەممە 15.3.2025، ئەحمەد حەسەن محەمەد، کە هاوڵاتییەکی دانیشتووی پارێزگای دهۆکە و بۆ عومرە سەردانی سعودیەی کردبوو، دوای بەجێگەیاندنی سونەتی عومرە تووشی جەڵتە دەبێت، پاش مانەوەی مانگێک لە نەخۆشخانەکانی مەککە ئەمرۆ کۆچی دوایی کردووە.
بەپێی بڵاوکراوەی حەج و عومرەی هەرێمی کوردستان بێت، ئەم عومرەکارە تەمەنی زیاتر لە 70 ساڵە و سوننەتی عومرەی بەجێ گەیاندووە، لەو ماوەیەی لە نەخۆشخانە بووە، لەلایەن نوسینگەی دهۆکی حەج و خاوەن کۆمپانیاکە چاودێری کراوە و هەر ئەمڕۆش دوای وەرگرتنی رەزامەندی خانەوادەکەی، بڕیاردراوە لە شاری مەککە مامەڵەکان تەواو بکرێن و بەخاک بسپێردرێت.
بە کۆچی دوای ئەم عومرەکارە، دەبێتە حەوتەم عومرەکاری هەرێمی کوردستان کە لەسەرەتای ئەمساڵی 2025 لە سعودیە کۆچی دوایی کردبێت، و یەکەم عومرەکانی کورد لە مانگی رەمەزاندا کۆچی دوایی کردووە.
خاوەن کۆمپانیاکانی گواستنەوە سەردانی بەڕێوەبەرایەتی حەج و عومرە بکەن
