بەتۆمەتی وشککردنی کۆمەڵێک داربەڕوو کەسێک دەستگیر کرا – وێنە؛ بەڕێوەبەرایەتی پۆلیسی دارستان و ژینگەی سلێمانی
لە گوندێکی ماوەت
کۆمەڵێک داربەڕووی سەوز و جوانی وشک کرد؛ گیرا
شۆڕش قادری
کەسێک کۆمەڵێک داربەڕووی سەوز و جوانی لە سروشتی شارباژێر وشک کردووە، پۆلیس دۆزییەوە و دەستگیری کرد.
بەڕێوەبەرایەتی پۆلیسی دارستان و ژینگەی سلێمانی چەند وێنەیەکی دارەکانی داناوە و نووسیویەتی، لەگەڵ وەرگرتنى زانیارى و بەدواداچوونى خێرا لەلایەن مەفرەزەکانى بەشى پۆلیسى دارستان و ژینگەى ماوەت، توانراوە لە سنورى گوندى (دڕى) کەسێک بەتۆمەتى هەوڵدان بۆ وشککردنى چەند داربەڕوویەک دەستگیر بکەن .
ئەو تۆمەتبارە توێکڵى قەدى درەختەکانی لێکردووەتەوە و برینداری کردوون، ویستوویەتی بەو شێوەیە وشکیان بکات و دواتر دارەکان ببڕێتەوە.
بۆ وەرگرتنى رێکارى یاسایی پەڕاوى لێکۆڵینەوەى بۆ کراوەتەوە و رادەستی دادوەری لێکۆڵینەوە کراوە.
