رێنماییەكان لە 964
15ی رەمەزانە و چی بكەین تەندروستیمان پارێزراوبێت؟
964+
جێگر مەحمود
ئێستا کە گەیشتووینەتە نیوەی مانگی رەمەزان، گرنگە بەردەوام بین لە پاراستنی تەندروستیمان.
ئەم چەند خاڵەشتان لەبیرت بێت:
هاوسەنگی: هەوڵ بدە ژەمەکانت هاوسەنگ بن و هەموو گرووپە خۆراکییەکان بگرێتەوە (کاربۆهیدرات، پرۆتین، چەوریی تەندروست، سەوزە، میوە).
خواردنی تەندروست لە پارشێو (سحور): پارشێو ژەمێکی گرنگە، بۆیە هەوڵ بدە خۆراکی تەندروست و وزەبەخش بخۆیت، وەک دانەوێڵەی تەواو، پرۆتین (هێلکە، پەنیر)، چەوری تەندروست (ئەڤۆکادۆ، گوێز) و میوە و سەوزە.
خواردنی سووک لە بەربانگ (ئیفتار): دەست بە بەربانگ بکە بە خورما و ئاو، پاشان ژەمێکی سووک بخۆ کە شۆربا یان زەڵاتە لەخۆبگرێت. دواتر ژەمی سەرەکی بخۆ، بەڵام بە بڕی کەمتر.
دوورکەوتنەوە لە چەوری و شیرینیی زۆر: هەوڵ بدە لە خواردنی چەورییەکان، خواردنە سوورەکراوەکان و شیرینییەکان دوور بکەویتەوە، چونکە دەبنە هۆی تێکچوونی تەندروستی و زیادبوونی کێش.
ئاو: لە نێوان بەربانگ و پارشێودا بڕێکی زۆر ئاو بخۆرەوە بۆ ئەوەی جەستەت وشک نەبێتەوە.
ئەم رێنماییانە یارمەتیدەر دەبن بۆ ئەوەی بە تەندروستییەوە بەردەوام بیت لە رەمەزاندا و رۆژووەکانتان بگرن.