لەکاتى گەڕانەوە لە قوتابخانە
ئۆتۆمبێلێک منداڵێکى شێلا و نەوەستا
+964
سیروان خورشید- خورماتوو
نیوەڕۆى ئەمڕۆ لە کاتێکدا قوتابیان لە قوتابخانە بەرەو ماڵەوە دەگەڕانەوە، لە گەڕەکى کۆمارى خورماتوو، ئۆتۆمبێلێک بەناو قەرەباڵغى کۆبوونەوەى قوتابیاندا تێدەپەڕێت و پێى منداڵێک دەکاتە ژێرەوە و بریندارى دەکات.
شۆفێرەکە هەر دانابەزێت و دەڕوات
دیمەنى شێلانى منداڵەکە لە کامێراى چاودێرییەوە دەرچووە، بە وتەى عومەر قاسم کە مامى منداڵەکەیە و بۆ 964 قسەى کردووە، پاش روداوەکە منداڵەکەیان گەیاندوەتە نەخۆشخانەو چارەسەری بۆ دەکرێت و ئەو ئۆتۆمبێلەش کە لەمنداڵەکەیانی داوە، بەبێ وەستان رایکردووە.
وەک ئەوەى مامى ئەو منداڵە باسى دەکات، مادام شۆفێرەکە نەوەستاوە هەر ئەمڕۆ سکاڵاى لەسەر تۆمار دەکەن و ئۆتۆمبێلەکەش بە روونى لە کامێرا دەرچووە.
پێداچوونەوە: وریا فەتاح
