گرافیك: +964
سۆراغ؛ دابەشکردنی موچە به‌رده‌وامە
+964
فه‌رهاد حه‌سه‌ن
به‌پێی به‌دواداچوونه‌كانى تۆڕى 964، له دووه‌م رۆژى پشووه سێ رۆژییه‌كه‌ی هەرێمی کوردستان، پرۆسه‌ى دابه‌شكردنى موچه به‌رده‌وامه و ئه‌مڕۆش هێزه‌كانى 70 و 80ى سه‌ر به وه‌زاره‌تى پێشمه‌رگه وه‌رگرتووه.
سه‌رچاوه‌یه‌كی به‌رپرس له وه‌زاره‌تى پێشمه‌رگه ئه‌وه‌ى بۆ تۆڕى 964 دووپاتكرده‌وه كه ئه‌مڕۆ چوارشه‌‌ممه، موچه‌ى مانگى 1ی هێزه‌كانى 70 و 80 دابه‌شكراوه.
رۆژی 6ی شوباتی 2023 دەست بە دابەشکردنی موچەی مانگی کانوونی دووەمی 2023 کرا و یه‌كه‌مین وه‌زاره‌تیش ته‌ندروستى بوو وه‌ریگرت.
رۆژى 7ـى شوبات دیوانى وه‌زاره‌تى پێشمه‌رگه وه‌ریگرت و بڕیاریشه سبه‌ى پێنجشه‌ممه 9ـى شوباتی 2023 موچه‌ى وه‌زاره‌تى دارایی دابه‌شبكرێت.
به‌پێی ئه‌و لیسته‌ى كه وه‌زاره‌تى دارایی بۆ دابه‌شكردنى موچه بڵاویكردووەته‌وه، ده‌رده‌كه‌وێت كه حكومه‌تى هه‌رێم له ماوه‌ى 20 رۆژدا ده‌توانێ موچه‌ى تەواوی فەرمانبەرەکانی دابەش بکات.