2000 مایەڵی بڕی تا گەیشتە رووی دەریا و لەوێش مرد
ماسییەکی رەشی بچووک جیهانی خستە گریان
964+
ژێوار خدر
لە چەند رۆژی رابردوودا لە پێشهاتێکی دەگمەندا ماسییەک لەو جۆرەی کە بە شەیتانی دەریا ناسراوە، لەسەر رووی دەریا لە دوورگەکانی کەناری ئیسپانیا بینرا و لەلایەن چەند لێکۆڵەرەوەیەکی دەریایی بۆ یەکەمجار ڤیدیۆی لێ تۆمارکرا.
ئەوەی کە وایکردووە دەرکەوتنی ماسییەکە لەسەر رووی دەریادا زۆر دەگمەن بێت، قەبارە و سروشتی ماسیەکەیە، چونکە گەشت کردن بۆ ئەو ماسییە لە قوڵایی دەریاوە بۆ سەر رووی دەریا گەشتێکی سەختە و دەبێتە هۆی مردنی ماسییەکە.
بڵاوبوونەوەی ڤیدیۆکە لە پڵاتفۆرمەکانی سۆشیاڵ میدیا کاردانەوەیەکی زۆری لێکەوتەوە و کۆمەڵێک خەڵکی زۆر بەتایبەت لە تیکتۆک بە گریانەوە ڤیدیۆکەیان بڵاودەکردەوە و باسی بوێری ئەم ماسیەیان دەکرد و بە هێمای خۆراگری و بەرگەگرتن ناویان دەبرد.
