شۆفێریکردن بەبێ ئاگای مەرگی منداڵێکی لێ کەوتەوە

شڤان عەبدوڵا – زاخۆ

لەگوندی “دوکەرێ” سەر بەقەزای باتیفا، باوکێک کاتێک ویستی ئۆتۆمبێلەکەی لەحەوشەی ماڵاوە بباتە دەرەوە، بێ ئاگابووە لەوەی کوڕە بچوکەکەی لەپشت ئۆتۆمبێلەکەیەتی، بەسەریدا رۆشتووە و  دواتر گیانی سپاردووە.

دوای نیوەڕۆی ئەمڕۆ پێنجشەممە 27.6.2026 رووداوەکە لەو گوندەی باتیفا لە پارێزگای دهۆک روویداوە، وەک بۆ پەیامنێری 964 دەیگێڕنەوە، بە هاوار و دەنگی منداڵە زانراوە، لە ژێر ئۆتۆمبیلەکەدا بووە.

منداڵەکە ناوی عەبدوڵایە و باوکی پیشەی جوتیار و شوانکارە لەگوند، بەهۆی سەرختی برینەکەیەوە و دوای گەیاندنی بۆ فریاکەوتنی زاخۆ منداڵەکە گیانی سپاردووە، دواتر تەرمی بۆ پزیشکی دادی زاخۆ گواستراوەتەوە و رادەستی کەسوکاری کراوەتەوە.

ئەمیر عەلی، وتەبێژی تەندروستی زاخۆ بە 964 وت، کاتێک منداڵەکەیان گەیاندە فریاکەوتنی زاخۆ، پزیشکان هەوڵیانداوە ژیانی بۆ بگەڕێننەوە، بەڵام بەهۆی سەختی برینەکەیەوە لەرێگەدا گیانی لەدەستداوە و هەوڵەکان سوودی سەرکەوتوو نەبووە.

پێداچوونەوە: ئەحمەد مستەفا