نەخۆشخانەی ئەڵمانی بۆ چارەسەرکردنی کێشەکانی کۆئەندامی هەناسە _ وێنە: بۆ 964 نێردراوە
دەتوانن کاتژمێر 9:00 بچن
سبەینێ پزیشکی کۆئەندامی هەناسە بۆ منداڵان لە نەخۆشخانە ئەڵمانییەکە دەبێ
964+
ئەحمەد مستەفا
سبەینێ چوارشەممە 12.2.2025، لە نەخۆشخانە ئەڵمانییەکەی سلێمانی پزیشکی پسپۆڕی منداڵان دادەنیشێ، ئەو منداڵانەی کێشەی کۆئەندامی هەناسەیان هەیە دەتوانن بچن.
لە نەخۆشخانەکە سبەینێ، دکتۆر پشدەر عەبدوڵا، پسپۆڕی نەخۆشییەکانی منداڵان و نەبەکام لەوێ دەبێ.
دکتۆر پشدەر عەبدوڵا، لە بارەی پڕۆسە چارەسەرییەکانی نەخۆشخانە بە 964ی وت، هەموو ئەو منداڵانەی کێشەی کۆئەندامی هەناسەیان هەیە لە (کۆکەی درێژخایەن، خیزەی سنگ، لووت گیران و پرخە و هەوکردنی قەسەبات) دەبینێ و چارەسەریان بۆ دەنوسێ.
دایک و باوکی ئەو منداڵانەی، کە منداڵی تازە لە دایک بوو تاوەکو تەمەنی هەژدە ساڵییان هەیە، سبەینێ چوار شەممە لە کاتژمێر 9:00 بەیانیەوە دەەتوانن سەردانی نەخۆشخانەی ئەڵمانی بکەن.
دکتۆر پشدەر بڕیاری وایە، بە بێ بەرامبەر چارەسەری بۆ منداڵەکان بکات، نەخۆشخانەی ئەڵمانی بۆ چارەسەرکردنی کێشەکانی کۆئەندامی هەناسە، نەخۆشخانەیەکی حکومییە و دەکەوێتە پشت نەخۆشخانەی شۆڕش و بەرامبەر بەڕێوەبەرایەتی گشتی تەندرووستی سلێمانی.
