وتەبێژی حکومەتی عێراق:
نرخی 100 دۆلار بۆ 155 هەزار دینار دادەبەزێنین
964+
کاکەلاو عەبدوڵا
حەیدەر عەبودی، وتەبێژی حکومەتی عێراق رایگەیاند، حکومەت و بانکی ناوەندی بەپێی پلانێکی تۆکمە کار بۆ ئەوە دەکەن نرخی 100 دۆلار لە بازاڕەکاندا دابەزێنن بۆ 155 هەزار دینار.
ئێستا 100 دۆلار لە بازاڕەکانی هەرێمی کوردستان و عێراق بە 166,450 دینار مامەڵەی پێوەدەکرێت لەکاتێکدا نرخی فەرمی دۆلار لە بانکی ناوەندی 1520 دینارە.
حەیدەر عەبودی لەبارەی پلانەکەی حکومەت و بانکی ناوەندی بە ئاژانسی هەواڵیی عێراقی وت: ئەم پلانە پشتئەستوورە بە بودجەیەکی پارێزراو لە بانکی ناوەندی کە بازرگانی دەرەوە و پێویستییەکانی هاوردە رێکدەخات.