“دەست بەرداری ئەو خاکە مەبن”
بە گۆرانی و شیعر و موزیک کەرکوک ئاوەدان دەکەنەوە
964+
کاروان ساڵحی- کەرکوک
چەند هونەرمەندێکی سلێمانی بە گۆرانی و موزیک کەرکوک ئاوەدان دەکەنەوە، هەڵۆش بە یادی شێرکۆ بێکەسی باوکی شیعریان بۆ دەخوێنێتەوە.
ئەمرۆ هونەر حەمە جەزا و ئەحمەد خەلیل و پەیوەند جاف لە هۆڵی رۆشنبیری کەرکوک کۆنسێرتێکی گەورەیان سازکرد، بۆ مایکی 964 هونەر حەمەجەزا وتی، هیوادارم دەست بەرداری ئەم خاکە نەبن، هاتووین کەمێک لە خەم و خەفەتی نیشتمان دوورکەوینەوە و یادی هونەر بکەینەوە”
هاوکات هەڵۆ شێرکۆ بێکەس بە چەند پارچە شیعرێکی باوکی بەشداری کۆنسێرتەکەی کرد و هیواشی خواست ئەم جۆرە چالاکیانە لەو شارە بەردەوام بێت.
پێداچوونەوەی :پەری ساڵح