نزیکەی دوو هەفتەیە مام ئازاد بێسەروشوێنە و هیچ سۆراغێکی نییە
گەڕان بەدوایدا بەردەوامە
بێسەروشوێنبوونی مام ئازاد لە دوو هەفتە نزیک دەبێتەوە
964+
شۆڕش قادری
نزیکەی دوو هەفتەیە مام ئازاد بێسەروشوێنە و هیچ سۆراغێکی نییە، هەوڵەکانی کەسوکاری و تیمەکانی بەرگری شارستانی سۆرانیش لە گەڕان بەدوایدا بەردەوامە.
لهههر شوێنێك "مام ئازاد"تان بینى كهسوكارهكهى ئاگادار بكهنهوه
رۆژى 22.1.2025، ئازاد مەرعان موسا کە هاوڵاتییەکى تەمەن سەروو 50 ساڵى بەستۆرەیە، لە ماڵ دەرچووە و بەرەو سۆران و گەلی عەلی بەگ رۆیشتووە، تائێستا نەگەڕاوەتەوە.
ئەمڕۆ یەکشەممە 2.2.2025 کاروان میراودەلی بەڕێوبەری بەرگری شارستانی سۆران بە 964ـی وت، “کەیسەکەمان بەلاوە گرنگە و بەردەوام بە 12 تیم سەرقاڵی گەڕانین لە هەموو ناوچەکانی ئیدارەی سۆران”.
هەموو تەکنیکێکمان بەکارهێناوە و بە درۆن و کامێرای حەراری و دووربین هەموو ناوچەکە گەڕاوین
“هەموو تەکنیکێکمان بەکارهێناوە و بە درۆن و کامێرای حەراری و دووربین هەموو ناوچەکە گەڕاوین، بەڵام هیچ سەرەداوێکمان دەست نەکەوتووە”، کاروان میراودەلی وای وت.
ئاماژەی بەوەشکرد، تا چەند رۆژێکی تر بەو شێوەیە بەردەوام دەبن و لە قۆناغی کۆتاییدا بە سەگی پۆلیسی، دەم رووبارەکان دەپشکنن.
بەڕێوبەری بەرگری شارستانی سۆران وتیشی، هێزەکانی پاسەوانی سنوورمان لەو کەیسە ئاگادار کردووتەوە و تا 18 بۆ 20 رۆژی تر لەگەڵ کەسوکارەکەی بەردەوام دەبن لە گەڕان بەدوای مام ئازادـدا.
كهسوكارى مام ئازاد ئهم ژماره مۆبایلانهیان بڵاوكردووهتهوه كه له ههر شوێنێك كهسهكهیان بینرا، پهیوهندیان پێوه بكرێت و ئاگادار بکرێنەوە:
07504647894
07507912577
