هەولێر
ئاسایش ئەو کێڵگانەى تێکدا کە بە ئاوى زێراب سەوزەیان بەرهەمدەهێنا
964+
وریا فەتاح
ئاسایشى هەولێر بە شۆفڵ هەموو ئەو کێڵگانەى تێکدا کە بە ئاوى زێراب سەوزەیان بەرهەمدەهێنا و دەشڵێت، بەردەوام دەبن.
وەک ئەوەى ئاسایش باسى دەکات، لە هەوڵەکانیان بەردەوامن بۆ پاکڕاگرتنى ژینکە و پاراستنی تەندروستی هاوڵاتیان، بۆ ئەو مەبەستە لە هەڵمەتێکدا هەڵساون بە تێکدانى بەشێک لەو گێڵگە کشتوکاڵیانەى دەکەونە سنووری شاری هەولێر.
وەک ئەوەى باسى دەکات، ئەو کێڵاگانە بەرهەمەکانیان بە ئاوى پیش ئاودەدەن و یەکێکن بە هۆکارەکانى پیسبوونى خاک و کاریگەرى تەواوى هەیە لەسەر تەندروستى هاوڵاتیان.
بەپێى گرتەڤیدیۆییەکەى ئاسایشى هەولێر دەردەکەوێت، بەشۆفڵ کێڵگەکان تێکدەدرێن و ئەو سەوزانەى چێنراون لە ناودەبرێن.