دیمەنی مەلەوانگەیەک _ وێنە:964
بۆ رێگری لە هەوکردنی جگەر
پێویستە مەلەوانگەکان داوای کارتی تەندروستی بکەن
964+
ئەحمەد مستەفا
هەوکردنی جگەر، خانەکانی جگەر توشی هەوکردن “ئیلتهابات” دەکات، وە لە هەندێک حاڵەتدا رەنگە بگاتە قۆناغی کۆتایی تێکچوونی جگەر و ببێتە هۆی ئەوەی جگەر توشی بەمۆم بوون یان شێرپەنجە ببێت.
بەڕای پزیشکێک، یەکێک لەو شوێنانەی کە مەترسی گواستنەوەی نەخۆشییەکەی لێ دەکرێت مەلەوانگەکانە ئەگەر بەردەوام ئاوەکە پاک نەکرێتەوە و پاکژنەکرێتەوە بەکلۆر.
لەشکر حەمید، پزیشکی پسپۆڕ لە بڵاوکراوەیەکدا هۆشیاری دەدات و ئەمڕۆ هەینی 13.12.2024 وتی، زۆرجار ئاو لە رێگەی قورگ و لوت دەچێتە جەستەوە، ئەگەر کەسێک نەخۆشی ڤایرۆسی جگەری هەبێت و بەبێ پشکنین مەلە بکات مەترسی لەسەر هەموو ئەوکەسانە دەبێت کە لەو مەلەوانگە مەلە دەکەن.
نەخۆشییەکە دەگوازرێتەوە لەم رێگایانەوە:
– لە رێگەی خوێن و شلەکانی تری ناو لەش.
– لەرێگەی کەرەستەی پیس بوو بە ڤایرۆسەکە (وەک دەرزی بەکارهاتوو، کەرەستەیی ددانی بەکارهاتوو، گوێزانی بەکارهاتوو)
– لەرێگەی خواردن و خواردنەوەی پیس بوو.
– لە رێگەی پەیوەندی سێکسی.
– لە رێگەی خوێنی دایک بۆ کۆرپەلەکەی جۆری (B).
ئەو پزیشکە دەڵێت، پێویستە بکرێت بە مەرج ئەو کەسانەی سەردانی مەلەوانگە داخراوەکان دەکەن کارتی تەندروستی یان بۆ بکرێت و شەش مانگ جارێک پشکنین یان بۆ بکرێت بۆ ئەوەی نەخۆشی یەکە نەگوێزرێتەوە بۆ کەسانی تر.
بۆ ئەوەی تووشی هەوکردنی ڤایرۆسی جگەر نەبیت دەبێت چی بکەیت؟
