هونەرمەند دیلان هونەر
دیلان پاش مەرگی باوکی 62 رۆژ بڵاودەکاتەوە
+964
پەرستۆ ساڵح
هونەرمەندی گۆرانیبێژ دیلان هونەر، پاش تێپەرێنی 62 رۆژ بەسەر مەرگی باوکی، کلیپێکی نوێ بە ناوی “62 days ” بڵاودەکاتەوە.
10ی مانگی شوبات دیلان هونەر، لە رۆژی لەدایکبوونی خۆیدا کلیپەکەی پێشکەش بە هەوادارانی دەکات، کە کاری میوزیکی لەلایەن خۆیەوە بۆ کراوە و دەرهێنەر بڕیار فەتاح کاری دەرهێنانی بۆ کلیپەکەی کردووە، هۆنراوەی مازیار فایەقە.
دیلان هونەر تایبەت بە تۆڕی964 وتی “جگە لەم کلیپە کە لەرۆژی لەدایکبوونم بڵاودەبێتەوە، بۆ جەژنی نەورۆزیش بەهەمانشیوە کارێکی نوێی شادیم دەبێت”
لە 13ی مانگی کانونی یەکەم باوکی هونەرمەند دیلان هونەر، کۆچی دوایی کرد، هاوکات بەرلە هەشت مانگ دواین کاری بەناوی “دەرمان” بڵاوکردەوە.
دیلان هونەر، 30 ساڵ تەمەنیەتی و خەڵکی شاری سلێمانییە، بەهۆی پڕۆگرامی خۆشترین دەنگی کوردییەوە ناوبانگی دەرکرد.