باڵەخانەی پاسپۆڕتی هەولێر _ وێنە: بۆ 964 نێردراوە
بۆ منداڵى تازە لەدایکبوو ریکارەکە چۆنە؟
پاسپۆرتى هەولێر لە بارەى نۆرەگرتنى ئەلیکترۆنى هاوڵاتیان ئاگادار دەکاتەوە
964+
وریا فەتاح
پاسپۆرتى هەولێر بڵاوى کردەوە کە سیستمى نۆرەگرتنى ئەلیکترۆنى کارایە، لە بارەى رێنماییەکانى دەرهێنان و نوێکردنەوەى پاسپۆرتیش روونکردنەوە دەدات.
بەڕێوەبەرایەتییەکە لە ئاگادارییەکدا بڵاوى کردەوە کە سیستەمی ئەپڵیکەیشنی نۆرەگرتنی ئەلیکترۆنی کارایە و هاوڵاتیان دەتوانن نۆرە دابنێن بۆ پاسپۆرتی ئەلیکترۆنی لە ھەرچوار نووسینگەی سنووری پارێزگای ھەولێر( نووسینگەی یەکی پاسپۆرتی پارێزگای هەولێر، نووسینگەی دووی پاسپۆرتی پارێزگای هەولێر، نووسینگەی پاسپۆرتی سۆران و نووسینگەی پاسپۆرتی کۆیە).
رونیشى کردووەتەوە کە دەرهێنانى پاسپۆرتى ئەلیکترۆنى ئەمانەى پێویستە:
１- دانانی نۆرە لە ئەپلیکەیشنی (جواز السفر العراقي الاكتروني) کە بۆ هەردوو سیستەمی ئاندرۆید و ئای ئۆ ئێس بەردەستە یان لەرێگای ویبسایت دەتوانی حجزەکە بکەن، نۆرەکە بە ناوی خۆت تۆمار بکە (حجز الاكتروني) کات و رۆژی سەردانت دیاری دەکەیت و لە کۆتاییدا بارکۆدێکت بۆ دیار دەکەوێت وێنەی بگرە و لەمۆبایلەکەت ھەڵیگرە لە رۆژی سەردانی کردنت بەکاردێت بۆ رایی کردنی مامەلەکەت.
２- پێویستە کارتی بانکی (ماستر کارد یان ڤیزا کاردت پێ بێت لەکاتی سەردانی کردن ) و بەناوی خۆت بێت و بە دیناری عێراقی تێدابێت بۆ پێدانی رسوومات کە بڕەکەی 91 هەزار دینارە.
３- کارتی نیشتمانی رەسەن.
４- کارتی زانیاری رەسەن ، لە ئێستادا مەرجە کارتی زانیاری سنووری پارێزگای هەولێر بێت.
５- پاسپۆرتی کۆن ئەگەر مامەڵەکەت بۆ نوێ کردنەوەی پاسپۆرت بێت.
لەبارەى منداڵى تازە لە دایکبوو، پاسپۆرتى هەولێر روونى کردووەتەوە کە بۆ دەرهێنانى پاسپۆرت پێویستە، کارتى نیشتمانى خۆى و باوکى و کارتى زانیارى و بەڵگەنامەى لەدایکبوون و کۆپى پاسپۆرتى دایک و باوک ئەگەر هەبێت، ئەوە بۆ منداڵى خوار 18 ساڵیش بە هەمان شێوەیە.
بۆ ئەوانەشى لەسەرووى 18 ساڵین، پاسپۆرتى هەولێر جەختى کردووەتەوە کە ئەگەر داواکار هاوسەرگیرى نەکردبوو، کارتى نیشتمانى رەسەنى خۆى و کارتى نیشتمانى باوک و کارتى زانیارى رەسەنى باوکى، پێبێت.
وەک ئەوەى روونکراوەتەوە، ئەگەر منداڵ باوکى کۆچى دوایى کردبوو یاخود جیابوونەوە، پێویستە بەڵگەنامەى پێسپاردن و کارتى نیشتمانى و کارتى نیشتمانى دایک و کارتى زانیارى بەناوى دایکى، پێبێت.
“ئەگەر منداڵ باوکی لەدەرەوەی وڵات بوو، ئەوان حجة الوصاية المؤقتة (بەزمانی عەرەبی) + کارتی نیشتمانی خۆی و دایک و باوکی (ڕەسەن) +کارتی زانیاری باوکی (ڕەسەن)ـى پێویستە.
جەختیشکراوەتەوە، هەر کەسێک لە کاتى نۆرەى خۆیدا سەردانى نوسینگەى پاسپۆرت نەکات، نۆرەکەى دەفەوتێت و ئەوانەشى ئێواران نۆرەیانە پێویستە دوو کاتژمێر پێشتر سەردانى نوسینگە بکەن.
