مادە خۆراکییەکان لای بریکارێکی دابەشکردنی بەشە خۆراک - وێنە: 964
ماش زیادكراوە
هەفتەی داهاتوو بایەعی دابەش دەكرێت
964+
ئەرسەلان عەبدوڵا
كۆمپانیای گشتیی بازرگانی خۆراک، سەر بە وەزارەتی بازرگانی عێراق رایگەیاند حەوتەمین سەبەتەی خۆراکی هەفتەی داهاتوو دابەش دەكرێت و كەرەستەی نوێش زیاد كراوە.
وەزارەتی بازرگانیی عێراق دووشەممە بڵاویكردەوە، هەفتەی داهاتوو حەوتەم سەبەتەی خۆراکی ئەمساڵ دێتە دابەشكردن.
ئاماژەیان بەوەشكردووە، سەرجەم ماددە خۆراكییەكان دابەش دەكرێن و هەروەها بۆ یەكەمجار “ماش” بۆ سەبەتەكە زیادكراوە، جگە لەوەی نیسك، نۆك و لەتكەنۆك”یش دابەش دەكرێن.
لە كۆتایی مانگی رابردوو و سەرەتای ئەم مانگە بەشە خۆراكی شەشەم لە هەرێمی كوردستان دابەش كرا.
