بەهۆی شەڕی نێوان دوو بنەماڵە گەنجێک لە دهۆک کوژرا
لە دهۆک
بەهۆی شەڕی نێوان دوو بنەماڵە گەنجێک کوژرا
964+
هێڤی دێوالی – دهۆک
بەهۆی شەڕی نێوان دوو بنەماڵە لە پارێزگای دهۆک، گەنجێک کوژرا و کەسێکی دیکەش بریندار بوو.
درەنگانی شەوی رابردوو 16.9.2024 لە یەکێک لە پرۆژەکانی نیشتەجێبوون لە کۆمەڵگەی تەناهی سەربە قەزای سێمێل، شەڕ لە نێوان دوو بنەماڵەدا روویدا و لە ئاکامدا گەنجێک کوژرا و کەسێکی دیکەش برینداربوو.
مەتین جەمیل وتەبێژی بەڕێوەبەرایەتی تەندروستی دهۆک بە 964ـی وت، “ئەو گەنجەی کوژراوە، ناوی عومران عەلی تەتەر و تەمەنی 25 ساڵە، بە برینداری گەیەنراوەتە نەخۆشخانە و دواتر بەهۆی سەختی برینەکەی گیانی لەدەستداوە”.
“لە ئێستادا تەرمی گەنجەکە لە پزیشکی دادی دهۆکە و دوای رێکارە یاساییەکان رادەستی بنەماڵەکەی دەکرێتەوە”، مەتین جەمیل وای وت.
پۆلیسی دهۆکیش لە راگەیەنراوێکدا بڵاویکردەوە، بە پێی بەندی 406 لە یاسای سزادانی عێراق، فەرمانی دەستگیرکردنیان بۆ بکوژ و ئەنجامدەرانی تاوانەکە دەرکردووە و لێکۆڵینەوەکانیان لە رووداوەکە دەستپێکردووە.
پێداچوونەوە: شۆڕش قادری
سەرۆكی پێشووی شارەوانیی دهۆک دەستگیر كرا
