مۆنۆمێنتی ئەنفال لە قەزای چەمچەماڵ وێنە: سۆشیاڵ میدیا
داوایان لێدەکرێت سەردان بکەن
تاقانەکانی ئەنفال پێناسی تایبەتیان بۆ دروستدەکرێت
964+
ژووری هەواڵ
تاقانەکانی ئەنفال لە پارێزگا و ئیدارە سەربەخۆکانی هەرێمی کوردستان ئاگادار دەکرێنەوە کە ناسنامەی تایبەتیان بۆدروستدەکرێت.
بەڕێوبەرایەتی گشتی خزمەتگوزاری کەسوکاری شەهیدان نوسراوێکی ئاڕاستەی بەڕێوەبەرایەتییەکانی کاروباری شەهیدان و ئەنفالکراوان کردووە لە هەولێر، سلێمانی، دهۆک، هەڵەبجە، گەرمیان، راپەڕین و سۆران، داوایان لێدەکات زانیاری لەسەر “تاقانەکانی جینۆسیاد” بنێرن بەمەستی دروستکردنی ناسنامە بۆیان.
دەبێت تاقانەکان کۆپی کارتی نیشتیمانی و دوو وێنە و باڕکۆدی بایۆمەتریان ببەن بۆ بەڕێوبەرایەتیەکانی سنووری پارێزگا و ئیدارە سەربەخۆکان.
وەزارەتی شەهیدان و کاروباری ئەنفالکراوان سەرقاڵی دروستکردنی پێناسێکی یەکگرتووە بۆ سەرجەم شەهیدان، زیندانیانی سیایسی، تاقانەکانی ئەنفال و بەرکەوتوانی چەکی کیمیایی.
پێناسەکە دیجیتاڵی دەبێت کۆدی تایبەتی لەسەر دەبێت، کە سەرجەم زانیارییەکانی کەسەکە لە رێگەی سیمکارتێکەوە لەخۆ دەگرێت.
بە وتەی عادل مەلا ساڵح، وتەبێژی وەزارەتی شەهیدان و کاروباری ئەنفالکراوان بۆ 964، پێشتر بۆ هەر یەکێک لەوانە پێناسێکی جیا و رەنگێکی جیا هەبوو، بەڵام هەموویان دەکرێن بە یەک رەنگ و یەک شێوە.
