گەنجێک لە ئاوى سەیرانگاى کونەماسى خنکا

رێژوان مامە قادر ـ سلێمانی

کەمێک لەمەوبەر، گەنجێک لە ئاوى سەیرانگاى کونەماسى سنوورى شارباژێر خنکا و تەرمەکەى نەدۆزراوەتەوە.

عوسمان ئەنوەر، قایمقامی قەزای شارباژێڕ بە 964ـى راگەیاند،” کەمێک لەمەوبەر گەنجێکی دانیشتووی گەڕەکی قولەرەیسیی شاری سلێمانی لە
ئاوى سەیرانگاى کونە ماسی دا خنکا”.

وتیشی،”ئەو گەنجە تەمەنی 31 ساڵە و لەگەڵ خانەوادەکەی بۆ گەست و سەیران روویان لە سەیرانگاى کونەماسى کردووە، بەڵام مەلەى کردووە و خنکاوە”.

بە وتەی قامقامی شارباژێڕ، تەرمەکە نەدۆزراوەتەوە و گەڕان بەدوایدا بەردەوامە.

ئەمە دووەم حاڵەتى خنکانە لەمڕۆدا لە هەرێمى کوردستان تۆمار بکرێت، کاتژمێر 12:30 خولەکى نیوەڕۆى ئەمڕۆش لە ئاوى روباری خابوردا لە سنوورى گوندی سپیندارۆک سەر بە قەزای باتیفا، کچێکى تەمەن 17 ساأ خنکا کە لەگەڵ خێزانەکەى روویان لە شوێنەکە کردبوو.

نوێکردنەوە کاتژمێر 5:57 خولەک

عوسمان ئەنوەر وتى،”کەمێک لەمەوبەر تەرمی گەنجە خنکاوەکەی کونەماسی لەلایەن تیمی غەواسی دوکانەوە دۆزرایەوە و تەرمەکەی رەوانەی پزیشکی دادی سلێمانی کرا”.

پێداچوونەوە: وریا فەتاح