“ تەمەنی شەش ساڵە ”
منداڵێک لە زێی گەورە خنکا
+964
شۆڕش هەرکی – ەولێر
ئەمڕۆ یەکشەممە 11.8.2024 منداڵێکی تەمەن شەش ساڵان لە زێی گەورە خنکا.
زانا نامیق، ئەفسەر لە بنکەی بەرگریی شارستانی خەبات بە 964ی وت، منداڵەکە تەمەنی شەش ساڵە و دانیشتووی گوندی زەنگەلە لە سنووری قەزای خەبات، دانیشتووانی گوندەکە عەرەب و کاکەیین، منداڵەکەش بە نەتەوە عەرەبە.
وتیشی، منداڵەکە لە نزیک شوێنەکە لەگەڵ دایک و برایەکی هاتوونەتە نزیک لێواری زێی گەورە و یاریی کردووە و کەوتووەتە ناو زێی گەورە و تا ئێستاش تەرمەکەی نەدۆزراوەتەوە.
لەسەرەتای ئەمساڵ تا ئێستا ئەمە11مین کەسە لە زێی گەورەدا بخنکێت.
پێداچوونەوە: ئەرسەلان عەبدوڵا
