لە شەش مانگى یەکەمى ئەمساڵدا 267 هەزار تۆن خۆراکى بەسەرچوو دەستى بەسەرداگیراوە

964+

وریا فەتاح

تیمى مەیدانى بەڕێوەبەرایەتییەکانى چاودێرى بازرگانى لە پارێزگاکانى هەرێمى کوردستان، لە شەش مانگى یەکەمى 2024 توانیویانە زیاتر لە 26 هەزار چاودێرى بازاڕ بکەن و زیاتر لە 227 ملیۆن دیناریش سزاى سەرپێچیکاران بدەن.

وەک ئەوەى فەرمانگەى میدیا و زانیارى بڵاوى کردووەتەوە، حکومەتی هەرێمی کوردستان لە رێگەى بەڕێوەبەرایەتیی چاودێریی بازرگانی لە هەولێر، سلێمانی، دهۆک، ئیدارە سەربەخۆکان، لە رێگەی تیمی مەیدانییەوە بەردەوامە لە چاودێریی نرخی کاڵا و دۆخی بازاڕ و پرۆژە بازرگانییەکان.

فەرمانگەى میدیا و زانیارى بڵاوى کردووەتەوە، کۆی گشتیی سەردانەکان لە شەش مانگی یەکەمی ئەمساڵ، 26 هەزار و 249 سەردان بووە و یەک هەزار و 728 سەرپێچی تۆمار کراون و سزای 143 شوێنکار دراوە، هەروەها 106 شوێنکاریش داخراون.

هەر لە سەردانەکاندا 267 هەزار و 197 تۆن خۆراکى “ماوەبەسەرچوو دەستی بەسەردا گیراوە و بڕی پارەی پسوولەی سزاکانیش بریتیە لە 227 ملیۆن و 436 هەزار و 200 دینار”، فەرمانگەى میدیا و زانیارى وا دەڵێت.

47 هەزار تۆن زەیتی بەسەرچوو خراوەتە بازاڕەوە