دیمەنی زانکۆی هەڵبجە.وێنە .پەیجی زانکۆ
بۆ پڕکردنەوەی فۆرمی زەوی
فەرمانبەران و مامۆستایانی هەمیشەیی زانکۆی هەڵەبجە ئاگادار دەکرێنەوە
+964
توانا نەقی
زانکۆی هەڵەبجە ئاگاداری سەرجەم مامۆستایان و فەرمانبەرانی هەمیشەیی زانکۆکە دەکەنەوە ئەوانەی کە سوودمەند نەبوون لە وەرگرتنی زەوی و ماوەی راژەی خزمەتی راستەقینەیان لە هەشت ساڵ زیاترە، لە ماوەی 10 رۆژدا پێویستە فۆڕمێکیان لایە پڕی بکەنەوە.
ئەمڕۆ چوارشەممە، پەیجی فەرمی زانکۆی هەڵەبجە بڵاویکردەوە، پێویستە فۆڕمەکە بە دوو وێنە پڕبکرێتەوە و لە خۆیەتیی سەرۆکایەتی یان خۆیەتی کۆلێژ ساڵەکانی خزمەتی بنووسرێت و پشتگیری بەردەوامبوونی راژەکەی بکرێت.
زانکۆی هەڵەبجە بە شەش خاڵ چۆنیەتیی پڕکردنەوە و رێنماییەکانی فۆرمەکەی بەم شێوەیە داناوە:
– فەرمانبەرانی سەرۆکایەتی لە بەڕێوەبەرایەتیی خۆیەتی ساڵەکانی خزمەتیان بۆ دەنووسرێت.
– فەرمانبەرانی کۆلێژ لە هۆبەی خۆیەتی ساڵەکانی خزمەتیان بۆ دەنووسرێت.
– پێویستە ئەم فۆرمە بە دوو دیو چاپ بکرێت و پڕبکرێتەوە (واتە یەك پەڕەی A4 بێت).
– ئەو فەرمانبەرانەی کە هاوسەریان فەرمانبەرە تەنیا ئەوەیان فۆڕمەکە پڕدەکەنەوە، کە خزمەتی راستەقینەی زیاترە، پێویستە هاوسەر پشتگیری فەرمانگەکەی بهێنێت کە ساڵەکانی خزمەتی لەسەر نووسرابێت.
– وێنەیەكی رەنگاوڕەنگ لە کارتی زانیاری و کارتی نیشتمانی (ئەگەر نەبوو ناسنامەی باری شارستانی ) هەموو ئەندامانی خێزان لەسەر یەك پەڕە هاوپێچی فۆرمەکە بکرێت.
– لە کۆتاییدا داواکار لە بەڕێوەبەرایەتیی کاروباری یاسایی سەرۆکایەتی، پەنجەمۆر لەسەر فۆرمەکە دەکات و تەسلیمی بەڕێوەبەرایەتیی ئامار و تەکنەلۆجیای زانیاری دەکات.
دەتوانن لەم لینکەوە فۆڕمەکە و بەڵێننامە پڕبکەنەوە
