دیمەنی قیرکردنی رێگای دێلێژە - سەنگاو.وێنە.رێگاوبانی گەرمیان
کفری بە سلێمانییەوە دەبەستێتەوە
قیرتاوکردنی رێگای نێوان دێلێژە – سەنگاو و چەندرێگەیەکی دیکە دەستیپێکرد
964+
توانا نەقی
بڕگەی قیراوکردن لە پرۆژەی رێگای دێلێژە – سەنگاو هەروەها قیرتاوکردنی رێگای دەربەند باسە – دەربەند سوتاو و ژاڵەی دەربەند دەستی پێکردووە.
درێژی رێگاکە پینج کیلۆمەترە و رێگاوبانی گەرمیان بە رێگایەکی ستراتیژی و بەستنەوەی گەرمیان بە سلێمانی دەزانێت.
ئەمڕۆ شەممە، بەڕێوەبەرایەتی رێگاوبانی گەرمیان بڵاویکردەوە، پرۆژەکە زۆر گرنگە و لەسەر ئەرکی بەڕێوەبەرایەتییان ئەنجامدراوە و ئیدارەی گەرمیان بەتایبەت کفری بە سلێمانییەوە دەبەستێتەوە، ئەمە جگە لەوەی رێگایەکی گەشتوگوزارییە و رۆژانە هاتوچۆی زۆر لەسەرە.
دەشڵێت، بڕی ئەو پارەیەی بۆ پرۆژەکە تەرخانکراوە پێکهاتووە لە ملیارێک و 100 ملین دینار و تا ئێستا لە 70%ـی پرۆژەکە تەواو بووە و کارکردن تیایدا بەردەوامە.
