نەخشەی داخستنی شەقامەکەی سلێمانی.وێنە.شارەوانی سلێمانی
شەقامەکە فراوان دەکەن
لە سبەینێوە شەقامی سەرەکی هەواری شار لە سلێمانی بەربەست دەکرێت
964+
توانا نەقی
لە سبەینێوە بەشێکی شەقامی سەرەکی هەواری شار لە سلێمانی بەربەست دەکرێت بەمەبەستی فراوانکردنی شەقامەکە.
ئەمڕۆ چوارشەممە، سەرۆکایەتی شارەوانی سلێمانی بڵاویکردەوە، ئاگاداری هاوڵاتیان و شۆفێرانی دەكەنەوە كە لە سبەینێ پێنجشەممە 25.7.2024ـەوە شەقامی سەرەکی هەواری شار لە بەردەم بەڕێوەبەرایەتی گشتی وەبەرهێنانی سلێمانی بە ئاراستەی یەکتربڕی کۆبانێ بەربەست دەکرێت و دادەخرێت.
ئاماژەی بەوەشکردووە، داخستنەکە بە مەبەستی فراوان کردنی شەقامی سەرەکی هەواری شار و دروستکردنی دوو ئەندەرپاسە لە چوارچێوەی کارەکانی پرۆژەی یەکتربڕی سەر شەقامی هەواری شار ناسراو بە یەكتربڕی والی.
شارەوانی دەڵێت، شۆفێران دەتوانن شەقامەکەی تەنیشتی وەک جێگرەوە بەکاربهێنن کە بۆ ئەو مەبەستە دروستکراوە.
