شوڕتە بووە پاڵەوانی خولی ئەستێرەكانی عێراق

سۆما حەكیم زادە

یانەی شوڕتە بووە پاڵەوانی خولی ئەستێرەكانی عێراق لە یەكەم وەرزی خولی پیشەگەریی خولەكەدا.

ئەم ئێوارەیە یاریی نێوان شوڕتە و دهۆك لە یاریگەی شەعب لە گەڕی 37 و پێش كۆتایی ئەم وەرزەی خولی ئەستێرەكانی عێراق بە بردنەوەی یانەی شوڕتە بە 1-0 گۆڵ كۆتایی هات، بەم ئەنجامە یانەی شوڕتە بووە پاڵەوانی ئەم وەرزە و بۆ جاری سێیەمی لەسەریەك.

شوڕتە هەفتەیەك پێش كۆتاییهاتنی خولی ئەم وەرزە نازناوەكەی یەكلاكردەوە، دوای ئەوەی یانەی جەوییەی ركابەری نەیتوانی بردنەوە تۆمار بكات و لەگەڵ یانەی قاسم بە گۆڵێك یەكسان بوو.

جیاوازیی خاڵەكانی نێوان هەردوو یانە بووە 5 خاڵ و یەك گەڕی خولەكەش ماوە، بەمەش نازناوەكە یەكلابووەوە.

یانەی شوڕتە بۆ جاری سێیەمی لەسەریەك و حەوتەم جاریشە لە مێژووی خولی عێراقدا دەبێتە پاڵەوان.