پاڵەوانیەتی بلیارد لە دهۆک - فۆتۆ +964
پاڵه‌وانی سنۆكه‌ری دهۆك ده‌ركه‌وت
964+
هیڤی دێوالی- دهۆك
ئه‌مشه‌و “پێنجشه‌ممه 19ـی كانوونی دووه‌م، پاڵه‌وانیه‌تیی یاریی سنۆكه‌ر كۆتایی هات، هه‌روان سه‌لام نازناوه‌كه‌ی برده‌وه.
پاڵه‌وانیه‌تییه دوێنێ چوارشه‌ممه به به‌شداریی 32 یاریزانی دهۆك، زاخۆ، ئاکرێ و بەردەرٍەش ده‌ستیپێكرد و ئه‌مشه‌و كۆتایی هات.
ركابه‌رییه‌كان ته‌نیا له‌سه‌ر ئاستی یاریزانانی شاری دهۆك و ده‌وروبه‌ری بوو، له یه‌كه‌م رۆژی پاڵه‌وانیه‌تییه‌كه‌دا چوار یاریزان گه‌یشتنه قۆناغی كۆتایی.
یاریزانه به‌شداره‌كان ئاستێكی باشیان هه‌بوو، پێشتر له پاڵه‌وانیه‌تییه‌كانی عێراق و كوردستانیان به‌شدارییان كردبوو.
له ئه‌نجامی كۆتاییدا یاریزان هه‌روان سه‌لام توانی پله‌ی یه‌كه‌م به‌ده‌ستبهێنێت، هه‌روه‌ها هه‌ریه‌كه له ئاری، هۆگر دهۆكی و ئه‌یوب حه‌سه‌ن پله‌كانی دووه‌م و سێیه‌م و چواره‌میان به‌ده‌ستهێنا.
پاڵه‌وانیه‌تییه‌كه له لایه‌ن لقی دهۆكی فیدراسیۆنی سنۆكه‌ر هاتبووه ئه‌نجامدان.