گۆپتەپە
نزیکەى 50 دۆنم پووش و پاوان سووتا
+964
عەزیز گۆپتەپەیی
لە سنوورى گوندى کۆپتەپەى ناحیەى ئاغجەلەر ئاگرکەوتەوە و بەهۆیەوە نزیکەى 50 دۆنم پووش و پاوانى جوتیاران سووتا.
ئاگرەکە نیوەڕۆى ئەمڕۆ کەوتەوە، لەلایەکەوە هاوڵاتیانى گوندەکە و لەلایەکى دیکەوە بەرگریى شارستانى لە هەوڵدا بوون تا ئاگرەکە کۆنتڕۆڵ کرا.
بە قسەى جوتیارانى گوندەکە، 50 دۆنم پووش و پاوان سووتاوە، کارمەندێکى بەرگریى شارستانیى ئاغجەلەریش بۆ 964 پشتڕاستى کردەوە کە ئاگرەکە گەورە بووە و لانیکەم 50 دۆنم پووش و پاوان سووتاوە.
گۆپتەپە گوندێکى ئاوەدانى ناحیەى ئاغجەلەرى سەر بە قەزاى چەمچەماڵە لە سنوورى پارێزگاى سلێمانى.
پێداچوونەوە: وریا فەتاح
