تایتانیک دەگەڕێتەوە سینەماکان
+964
پەرستۆ ساڵح – هەولێر
دوای 25 ساڵ بۆ جاری دووەم فیلمی تایتانیک لە سینەماکان بە ستایل و کوالێتیەکی جیاواز نمایش دەکرێتەوە.
لە یادی 25 ساڵەی نمایشکردنی فیلمی بەناوبانگی “تایتانیک”، کە هەردوو ئەکتەر لیۆناردۆ دیکاپریۆ و کەیت وینسڵت رۆڵی سەرەکی تێدا دەبینن، جارێکی دیکە فیلمەکە لە سینەماکانی فەرەنسا و ئیتاڵیا و سوید لە 10ی شوباتی نمایش دەکرێتەوە بە تەکنیکی 3D و کوالێتی 4K بەپێی تویتێکی “Paramount Picture & Titanic”.
ئەو ئەکاونتە لە تویتەر، تایبەتە بە زانیارییەکانی فیلمی تایتانیک.
فیلمی تایتانیک بۆ یەکەمجار لە 19ی کانوونی دووەمی ساڵی 1997 نمایشکرا، رێژەی بینەرێکی خەیاڵی تۆمارکرد لە مێژوودا و خاوەنی 11 خەڵاتی ئۆسکارە، بەپێی داتاکانی بۆکس ئۆفیس، 2.202 ملیار دۆلاری ئەمریکی بووە.
کەشتی تایتانیک لە ساڵی 1985 لە ژێر ئاودا دۆزرایەوە دوای 73 ساڵ تێپەڕین بەسەر کارەساتەکەدا، پاشان لە فیلمێکدا چیرۆکی رووداوەکە بەرهەمێندرا، تێچووی بەرهەمهێنانی نزیکەی 200 ملیۆن دۆلار بوو.