بەهۆی شەڕی دوو دراوسێ
باوکێک منداڵە تەمەن 12 ساڵانەکەی کوشت
964+
کاروان ساڵحی – کەرکوک
لەسەر راگرتنی ئۆتۆمبێل لەبەردەم مااڵی یەکتریدا دوو دراوسێ دەبێت بە شەڕیان و منداڵێکی تەمەن 12 ساڵان بە گولەی باوکی گیان لەدەست دەدات.
درەنگانی شەوی رابردوو لە گەڕەکی واسیتی کەرکوک دوو دراوسێ دەبێت بە شەڕیان و بە گوێرەی پۆلیسی شارەکە لەسەر وەستاندنی ئۆتۆمبێل بووە، کە بووەتە هۆی ئەوەی یەکێک لە دراوسێکان دەمانچە رابکێشێت دژی دراوسێیەکەی و بووەتە هۆی کوژرانی منداڵە 12 ساڵانەکەی.
سەرچاوەیەک لە بەشی فریاکەوتنی نەخۆشخانەی ئازدی شارەکە ئەو زانیاریانەی بۆ 964 پشتڕاستکرد ەوە و رایگەیاند، سەرەتا منداڵەکە برینداربووە، بەڵام تا هاتووەتە نەخۆشخانە گیانی لەدەستداوە.
پەیامنێری 964 زانیویەتی، باوکی منداڵەکە ئەفسەری پۆلیسە و ئێستا لەگەڵ ئەو دراوسێیەی شەڕی کردووە لەلایەن بنکەی پۆلیسی مقدادەوە دەستگیرکراوە.
دایکی منداڵەکە بە 964ی وتووە، کوڕەکەی پۆلی شەشی بنەڕەتی بووە و دوێنێ شەممە کۆتا تاقیکردنەوەی ئەنجامداوە و بڕیار بووە ئەمڕۆ کونسوڵێکی XBOXی بۆ بکڕن بەڵام قەدەر رێگەی نەداوە یاری پێ بکات.
پێداچوونەوەە: عادل کانەبی
