گەنجێکى داون
بە کارە دەستییەکانى خەڵکى سەرسام کردووە
964+
شیراز عەبدوڵا- هەولێر
سەرەڕاى ئەوەى خاوەن پێداویستى تایبەتە و نەخۆشى داونى هەیە، بەڵام ئەوە نەبووەتە بەربەست لەبەردەم دانیار تاهیر، ئەو بە پەنجە رەنگینەکانى لە بەرد دەیان داهێنانى جوانى ئەنجامداوە.
“دونیاى دانیار” ناوى پڕۆژەکەى دانیار تاهیرە کە گەنجێکى دەستڕەنگینە و لە 2015ـەوە بە پەنجەکانى دەیان بیرۆکەى لە رێگەى نەخشەسازى بەردەوە، جێبەجێ کردووە.
دانیار لە پێشەنگاى کارى دەستى هەولێر بە دەیان جۆر لە ئیشەکانى بەشدارى کردووە و تایبەت بە 964 وتى،”خاوەنى براندى خۆمم، داواکارم لە گەنجان بەتایبەت خاوەن پێداویستییە تایبەتەکان کاربکەن و تێکەڵاوى کۆمەڵگەبن و داهێنان بکەن”.
بەڵێنیش دەدات هاوکار و پاڵپشتى ئەو گەنجانەبێت کە دەست بە ئیش دەکەن.
داڕشتنەوە: وریا فەتاح
