لەدوا خولەكدا بردیەوە
نەورۆز لە دواخولەکدا لە قاسمی بردەوە
+964
ئەحمەد محەمەد – سلێمانی
لە گەڕی 26ـى خولى ئەستێرەکانى عێراقدا، یانەی نەورۆز لە یاریگەی خۆیدا سێ خاڵی گرنگی لە یانەی قاسم وەرگرت و لە دوا خولەكەكاندا یارییەكەی بە سوودی خۆی كۆتایی پێهێنا .
لە كەشێكی ساردو باراناوی سلێمانیدا، یاریەكە بەڕێوەچوو، لە گێمی دووەمدا و لە خولەكی 60 قاسم لە رێگەی ئیمانوێل ئیڤیانی گۆڵی یەكەمی یارییەکەیان تۆماركرد ، دواتر لە خولەكی 82 نەورۆز لە رێگەی موسا عەدنانەوە گۆڵی یەكسانبوونی تۆماركردەوە و لە دوا ساتەكانی یارییەكەشدا بە پەنارتی لە خولەكی 90+3دا مەڕوان حسێن گۆڵی بردنەوەی تۆماركرد و یارییەكەش بەو ئەنجامە كۆتایی هات .
یانەى نەورۆز 41 خاڵى هەیە و لە ریزبەندی شەشەمی خولەكەیە، یانەی قاسمیش بە 20 خاڵ لە پلەی 18دایە.
پێداچوونەوە: ئەرسەلان عەبدوڵا