دۆناڵد ترەمپ: بەمزووانە شەڕ لەگەڵ ئێران کۆتایی دێت

شۆڕش قادری

دۆناڵد ترەمپ سەرۆکی ئەمریکا دەڵێت، بەمزووانە شەڕ لەگەڵ ئێران کۆتایی دێت و دواتر نرخی بەنزین دادەبەزێت.

ئەمشەو هەینی 18.9.2026 دۆناڵد ترەمپ لە کۆشی سپی قسەی بۆ رۆژنامەنووسان کرد و دووپاتیکردەوە، “نابێ ئێران ببێتە خاوەن چەکی ئەتۆمی و ئەوەش پێویستی بەوەیە کە گەلی ئەمریکا هەندێک ئەرک و بارگرانی لەئەستۆ بگرێت، بەمزووانە شەڕ لەگەڵ ئەو وڵاتە کۆتایی دێت و دواتر نرخی بەنزینیش دادەبەزێت”.

ئاماژەی بەوەشکرد، لەگەڵ حوسییەکانی یەمەن قسە دەکەن و ئەوانیش دەیانەوێت بزانن کە ئایا دەتوانن بگەنە رێککەوتن، یان نە.

ترەمپ ئاشکراشیکرد، چوونی کەناڵەکانی سی ئێن ئێن (CNN) و ئێم ئێس ئێن بی سی (MSNBC) و پۆلیتیکۆ (Politico) بۆ ناو کۆشکی سپی قەدەغە کراوە و لەگەڵ ئەوانیش چەند دەزگایەکی دیکە قەدەغە دەکەن، چونکە هەواڵی ساختە بڵاودەکەنەوە.

ترەمپ وتی، “میدیا قەدەغەکراوەکان کۆمەڵێک هەواڵی ساختەیان کەڵەکە کردووە، ئێمەش لێیان بێزار بووین”.