دیمهنى ئه‌و پهیكهرهى كه بۆ كهلهسهرى ژنه نیاندهرتاڵهكه دروستكراوه... وێنه: شوێنهوارى هه‌رێم
ساغكردنه‌وه‌ى 964
هیچ ئێسكه‌په‌یكه‌رێكى نوێ له ئه‌شكه‌وتى شانه‌ده‌ر نه‌دۆزراوه‌ته‌وه
964+
فه‌رهاد حه‌سه‌ن
ده‌نگۆى بڵاوبوونه‌وه‌ى ئێسكه‌په‌یكه‌رێكی نوێ له ئه‌شكه‌وتى شانه‌ده‌ر بڵاوكراوه‌ته‌وه و گوایه سبه‌ى چوارشه‌ممه زانیارییه‌كان له‌باره‌ى ئێسكه‌په‌یكه‌ره‌كه له ئه‌شكه‌وتى شانه‌ده‌ر راده‌گه‌یه‌ندرێت.
ئه‌م ده‌نگۆیه دواى بڵابوونه‌وه‌ى هه‌واڵێكى بەڕێوەبەرایەتیی گشتیی شوێنەوار و کەلەپوورى هه‌رێم بڵاوبووه‌ته‌وه، كه تێیدا باس له سازكردنى كۆنگره‌یه‌كی رۆژنامه‌نووسی له ناو ئه‌شكه‌وتى شانه‌ده‌ر ده‌كرێت سەبارەت بە دۆزینەوەی ئێسكەپەیكەری مرۆڤی نیاندەرتاڵ.
كەیفی مستەفا، بەڕێوەبەری گشتیی شوێنەوار و كەلەپوورى هه‌رێم، بۆ 964 ئه‌وه‌ى ره‌تكرده‌وه هیچ ئێسكه‌په‌یكه‌رێكی نوێ به‌م زووانه له شانه‌ده‌ر دۆزرابێته‌وه.
وتیشی “دوایین دۆزینه‌وه كه‌لـله‌سه‌رى ئه‌و ژنه نیاندەرتاڵه‌یه، كه ماوه‌ى چه‌ند رۆژێكه ته‌واوى میدیا و كه‌ناڵ و سۆشیاڵ میدیاكانى به‌خۆیه‌وه سه‌رقاڵكردووه”.
ئاشكراشی كرد، كۆنگره رۆژنامه‌نووسییه‌كه‌ى سبه‌ینێ چوارشه‌ممه هه‌ر له‌باره‌ى كه‌لـلە‌سه‌رى ئه‌و ژنه‌یه كه ماوه‌ى زیاتر له ساڵێكه دۆزراوه‌ته‌وه.
روونیشیكرده‌وه، كارى پشكنین و هه‌ڵكۆڵین له‌و ئه‌شكه‌وته به‌رده‌وامه، به تایبه‌تیش به‌م دواییه تیمێكی زانكۆى كامبریج هاتوونه‌ته‌وه هه‌رێمی كوردستان و له رێگه‌ى واژۆكردنى گرێبه‌ستێكى پێنج ساڵى ده‌ستیان به كار كردووه‌ته‌وه.