بنکەیەکی تەندروستی لە سرێشمە دروست دەکرێت

964+

ئەحمەد شەمزین- هەولێر

بڕیارە لە ماوەى 240 رۆژدا، بنکەیەکى تەندروستى لە سرێشمە دروست بکرێت و زیاتر لە 227 هەزار دۆلاریشى بۆ تەرخانکراوە.

سۆران شێرزاد، سەرۆکى شارەوانى سرێشمە بە 964ـى وت،”ئەمڕۆ یەکشەممە، 5.5.2024، بە ئامادەبوونى بەرپرسانى حکومى ناوچەکە، گرێبەستی درووستکردنی بنکەیەکی تەندرووستی لە سرێشمە، واژۆکرا.

بڕیارە لە ماوەیەکى نزیکدا، دەست بە دروستکردنى بنکەکە بکرێت و بە وتەى سەرۆکى شارەوانى شارەدێکە بێت، لە ماوەى 240 رۆژدا تەواو دەکرێت.

وەک ئەوەى سۆران شێرزاد باسى دەکات، بڕى 227 هەزار و 365 دۆلار، بۆ دروستکردنى بنکە تەندروستییەکە خەرج دەکرێت.

سرێشمە، یەکێکە لە شارەدێیەکانی شارۆچکەی خەلیفان، لە پارێزگای ھەولێر، بەپێى دوایین سەرژمێرى دانیشتووانەکەی 5 هەزار و 185 کەسن و پێنج کیلۆمەتر لە سەنتەرى شارى خەلیفانەوە دوورە.

لە 8ـى ئابى 2023 گوندی سرێشمە بە فەرمی بوو بە شارەدێ.

پێداچوونەوە: وریا فەتاح

شارەوانی سرێشمە به ‌كامێراى چاودێری پارێزگارى له‌ كه‌پره‌ گه‌شتیارییه‌كان ده‌كات